Շոգը հաղթահարելու 10 օգտակար խորհուրդ. 1in.am

healthinfo.ua-ն ներկայացնում է շոգը հաղթահարելու 10 օգտակար խորհուրդ:

Ինչպես քնել

Եթե օդորակիչ չկա, կարելի է օդափոխիչ օգտագործել: Այն չի հովացնում, բայց օգնում է ստանալ օդի շարժ: Ցերեկային շոգ ժամերին փակեք պատուհանները և ծածկեք վարագույրով, դա կխոչընդոտի ննջասենյակի տաքացմանը:

Ինչպես արագ հովանալ

Օդափոխիչը ճիշտ օգտագործեք: Դրա շիթերն այնպես ուղղեք, որ հատակից վեր բարձրանան:

Ինչպես սնվել

Ցանկալի է նվազեցնել աղի օգտագործումը՝ այն ավելացնում է օրգանիզմի հեղուկի պահանջը: Մի՛ մոռացեք. շոգին սնունդն արագ է փչանում, հնարավոր է թունավորվել: Դա վերաբերում է հատկապես տորթերին, դրանցից ավելի լավ է՝ ընդհանրապես հրաժարվել:

Ինչպես խուսափել ջրազրկումից

Սննդակարգում օրական ներառել շատ հեղուկ պարունակող մրգեր և բանջարեղեն: Յուրաքանչյուր ուտելուց առաջ 1 բաժակ ջուր խմել:

Ուղեղին ինչպես ստիպել աշխատել

Սեղանին սառույցով ափսե դրեք: Հալչելով՝ սառույցը` կփոխանցի իր սառնությունը, կխոնավեցնի աշխատասենյակի օդը:

Ինչպես հաղթահարել շոգը քաղաքում

Կրեք միայն բնական գործվածքներից հագուստ, այն պահպանում է օրգանիզմը գերտաքացումից:

Ինչպես խնամել մազերը շոգին

Ամռանը խորհուրդ է տրվում մազերը լվանալ UV-պրոտեկցիայով շամպուններով, փողոց դուրս գալուց առաջ քսել ուլտրամանուշակագույն ճառագայթներից պաշտպանող ցողացիրներ կամ մուսեր:

Ինչպես շոգից պատսպարվել բնակարանում

Պատուհաններին վարագույրներ կախեք: Սենյակ ընկնող լույսը ջերմաստիճանը բարձրացնում է 3-10 աստիճանով՝ ստեղծելով ջերմոցային էֆեկտ:

Ինչպես խնամել մաշկը շոգին

Քսուկները պետք է ունենան արևապաշտպան բաղադրիչներ և լինեն առավելապես խոնավեցնող, ոչ թե` սնուցող: Առանձնակի ուշադրություն դարձրեք կոպերի համար քսուկին. դա կպաշտպանի կնճիռներից:

Հարցեր, պատասխաններ, մեկնաբանություններ